آن لائن شناختی کارڈ بنوائیں عوام کے لئے خوشخبری
شناختی کارڈ بنوانیوالوں کی بڑی پریشانی ختم ہوگئی کیون کہ اب وہ آئن لائن خودکار مشینوں کے ذریعے یہ کام سرانجام دے سکیں گے۔تفصیلات کے مطابق نادرا اب نئی سہولت فراہم کرنے جا رہا ہے۔ کراچی کے شہریوں کو آسانی فراہم کرنیکے لئے جلد شہر کے مختلف عوامی مقامات پر خودکارمشینیں لگائی جائیںگی جس سے شہری شناختی کارڈ بنوانے کے عمل کو طویل انتظار کے بنا چند منٹوں میں انجام دے سکیں گے۔نادرا حکام نے اسلام آباد میں کامیاب تجربے کے بعد اب کراچی میں بھی شناختی کارڈ بنوانے کیلیے خودکار مشینیں نصب کرنیکا فیصلہ کیا ہے۔ کمپیوٹرائزڈ قومی شناختی کارڈ کی تجدید ہو یا گمشدہ این آئی سی کا حصول لوگ خودکار مشین سے استفادہ کرسکیں گے، شہریوں کو ب فارم بنوانےکیلیے بھی خود کارمشین اس عمل کو چند منٹوں میں انجام دے سکیں گے۔نادرا حکام کے مطابق جو خودکار مشین نصب کی جائیگی
شہری انہیں بنیادی معلومات فراہم کرینگے، جیسا کہ بائیومیٹرک کروانے اور تصویر نکالنے جیسے بنیادی مراحل طے کرنیکے بعد ارجنٹ یا نارمل کے آپشن کا انتخاب کرنیکے بعد ایک کیوآرکوڈ موصول ہوگا جسکے ذریعے صارف فیس ادا کریگا۔اسسٹنٹ ڈائریکٹر نادرا عمار حیدر نے بتایا کہ یہ سہولت بہت جلد کراچی میں شروع کردی جائیگی. جو پبلک مقامات پر دستیاب ہوگی، نادرا کا خودکار ’کیوسک‘ شہریوں سے معلومات لیگا اور دئیے گئے مراحل کو پورا کرنے کے بعد کیو آر کوڈ کی ایک رسید فراہم کی جائے گی، اسکے بعد شہری جاز کیش یا ایزی پیسا کی مدد سے رقم ادا کرینگے، رقم کریڈٹ یا ڈیبٹ کارڈ سے بھی جمع ہوگی۔ پہلے مرحلے میں نادرا میگا سینٹرز میں یہ سہولت فراہم کی جائیگی جسکے بعد اسے دیگر عوامی مقامات تک بھی وسعت دی جائیگی.نادرا حکام نے مزید بتایا کہ شناختی کارڈ بنوانے کیلیے یہ خودکار مشینیں نادرا میگا سینٹرز کراچی کے ائیرپورٹ ، شاپنگ مالز، ریلوے اسٹیشنز، تعلیمی اورسرکاری اداروں میں نصب کئے جانیکا امکان ہے جبکہ پندرہ یا 30 یوم کے بعد شناختی کارڈ شہریوں کو موصول ہو جائیگا.
