خواتین ٹیچرز سے نازیبا حرکات اور ویڈیوز بنانیوالاسکول پرنسپل گرفتار
شیخوپورہ میں خواتین اساتذہ سے نازیبا حرکات کے الزام میں اسکول کے پرنسپل کو گرفتار کرلیا گیا۔تفصیلات کے مطابق پولیس کا کہنا ہے کہ پرنسپل خواتین ٹیچرز سے نازیبا حرکات کرتا اور پھر انکی ویڈیوز بناتا تھا، جو اب پولیس کے ہتھے چڑھ چکا ہے۔پولیس کے مطابق ملزم خواتین ٹیچرزکو بلیک میل بھی کرتا تھا جس سے ٹیچرز انتہائی پریشان تھیں۔پولیس کا بتانا ہے کہ خواتین ٹیچرز کی چار ویڈیوز وائرل ہونے پر کارروائی کی گئی اور ملزم کو گرفتار کر کے تفتیش شروع کر دی گئی ہے۔
