ہونڈا 70CD کی قیمت اور انسٹالمنٹ پلان سامنے آ گیا
پاکستان میں فیول ایوریج اور پائیداری کے باعث ہونڈا کی CD70 بے حد مقبول ہے لیکن مہنگائی کے باعث آسمانوں سے باتیں کرتی قیمتوں نے شہریوں کی قوت پر خرید پر گہرا اثر ڈالاہے اور کمپنی کو بھی سیلز میں کمی کا سامنا ہے ۔
یہ موٹر سائیکل اپنی قابل اعتماد کارکردگی، ایندھن کی بچت اور مناسب قیمت کیوجہ سے پاکستان میں فروخت کے چارٹ میں سرفہرست ہے، حالان کہ مارکیٹ میں کئی حریف گاڑیاں موجود ہیں۔رواں سال کے آغاز میں اٹلس ہونڈا نے cd70 کا 2025 ماڈل متعارف کرایا، جس میں ایندھن کے ٹینک اور سائیڈ کورز پر نئے اسٹیکر ڈیزائن شامل کئے گئے، تاہم اس کے ڈھانچے میں کوئی خاص تبدیلی نہیں کی گئی۔یہ موٹر سائیکل 72CC فور اسٹروک ایئر کولڈ انجن سے لیس ہے، جو ایندھن کی بچت اور پائیداری کیلئے مشہور ہے۔ یہ شہری علاقوں میں سفر اور مختصر دوروں کیلئے مناسب طاقت فراہم کرتا ہے۔
پاکستان میں ہونڈا CD70 کو اسکی ابتدائی خریداری قیمت اور کم دیکھ بھال کے اخراجات کیوجہ سے ایک سستی موٹر سائیکل سمجھا جاتا ہے۔ یہی وجہ ہے کہ مختلف طبقوں میں اس کی مقبولیت کافی زیادہ ہے۔
ہونڈاcd 70 ریڈ کی قیمت
مقامی مارکیٹ میں ہونڈا cd 70 ریڈ کی قیمت نومبر 2024 میں 1,57,900 روپے مقرر کی گئی ہے۔ سیاہ رنگ میں بھی یہی قیمت رکھی گئی ہے۔
ہونڈا CD70 ریڈ کی قسطوں کا پلان
میزان بینک ایک سال کی مدت کیلئے آسان قسطوں کا منصوبہ پیش کرتا ہے۔ اس پلان کے تحت خریدار کو 64,960 روپے کی ابتدائی ادائیگی کرنا ہوگی، جب کہ بارہ ماہ کیلئے ماہانہ قسط 7,895 روپے ہوگی۔
