کے پی اور اسلام آباد کے مختلف شہروں میں زلزلے کے جھٹکے
خیبر پختونخوا اور اسلام آباد کے مختلف شہروں میں زلزلے کے جھٹکے محسوس کئے گئے ہیں۔زلزلے کے جھٹکے ایبٹ آباد پشاور، ، شانگلہ، مالاکنڈ، سوات، اور بونیر میں بھی محسوس کئے گئے ہیں۔ مہمند، شبقدر اور اٹک میں بھی زلزلے کے جھٹکے محسوس کئے گئے۔زلزلہ پیما مرکز کے مطابق زلزلے کی شدت 5.3 ریکارڈ گئی اور زلزلے کا مرکز ہندوکش ریجن افغانستان تھا۔زلزلے کے بعد لوگوں نے کلمہ طیبہ کا ورد شروع کر دیا اور بعض مقامات پر لوگ گھروں سے باہر نکل آئے۔
