صدر مملکت آصف علی زرداری سے گورنر بلوچستان کی ملاقات
صدر مملکت آصف علی زرداری سے گورنر بلوچستان شیخ جعفر خان مندوخیل نے بدھ کے روز ایوان صدر اسلام آباد میں ملاقات کی. مُلاقات میں ملک کی مجموعی سیاسی صورتحال اور صوبے میں وفاقی ترقیاتی منصوبوں سمیت باہمی دلچسپی کے امور پر تبادلہ خیال کیا گیا. اس موقع پر صدر پاکستان آصف علی زرداری نے شیخ جعفرخان مندوخیل کو گورنر بلوچستان کا عہدہ سنبھالنے پر مبارکباد پیش کی اور ان کیلئے نیک تمناؤں کا اظہار کیا. دونوں رہنماؤں نے وفاق اور صوبوں کے درمیان روابط و تعلقات کو مزید مضبوط اور خوشگوار بنانے پر زور دیا گیا
