کوئٹہ میں توڑے گئے سی سی ٹی وی کیمروں کی مرمت کیلئے 15 کروڑ کا تخمینہ
کوئٹہ: محکمہ داخلہ کے مطابق، ستمبر 2024 میں ایک احتجاج کے دوران مظاہرین نے 80 سی سی ٹی وی کیمرے توڑ دیے، جن کی بحالی کے لیے 15 کروڑ روپے کا تخمینہ لگایا گیا ہے۔مزید یہ بھی انکشاف ہوا ہے کہ نشے کے عادی اور دیگر نامعلوم افراد بھی شہر میں نصب سیکیورٹی کیمروں کو نقصان پہنچا رہے ہیں، جس سے نگرانی کے نظام کو شدید مشکلات کا سامنا ہے۔حکام نے سیکیورٹی کیمروں کے تحفظ اور شہر میں امن و امان کو برقرار رکھنے کے لیے سخت اقدامات کرنے کا عندیہ دیا ہے۔
