وزیراعظم کا میر ظفر اللہ مینگل کی وفات پر اظہار افسوس
وزیراعظم محمد شہباز شریف نے سردار عطا اللہ مینگل کے بیٹے اور سردار اختر مینگل کے بھائی میر ظفر اللہ مینگل کے انتقال پر گہرے دکھ اور افسوس کا اظہار کیا ہے۔وزیراعظم نے مرحوم کے بلند درجات کے لیے دعائے مغفرت کی اور کہا کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور ان کے اہل خانہ کو صبر و استقامت کی توفیق دے۔
وزیراعظم نے کہا کہ میر ظفر اللہ مینگل ایک قابل احترام شخصیت تھے، جنہوں نے اپنے خاندان کی روایت کے مطابق عوامی خدمت کو اہمیت دی۔ انہوں نے مینگل خاندان کے ساتھ دلی ہمدردی اور یکجہتی کا اظہار بھی کیا۔اختتام پر وزیراعظم نے دعا کی کہ اللہ تعالیٰ ان کے اہل خانہ کو اس ناقابل تلافی نقصان کو برداشت کرنے کی ہمت عطا فرمائے۔
