ژوب میں 4.0شدت کا زلزلہ
ژوب اور گرد و نواح میں زلزلے کے جھٹکے محسوس کئے گئے۔زلزلہ پیما مرکز کے مطابق زلزلے کی شدت چار ریکارڈ کی گئی ہے جب کہ زیرِ زمین اس کی گہرائی 33 کلو میٹر ریکارڈ ہوئی ہے۔زلزلہ پیما مرکز کا کہنا ہے کہ زلزلے کا مرکز ژوب سے (61) کلو میٹر شمال مغرب میں تھا۔ زلزلے کے جھٹکوں کے بعد عوام میں خوف و ہراس پھیل گیا اور لوگ کلمۂ طیبہ کا ورد کرتے ہوئے گھروں سے باہر نکل آئے۔زلزلے کے نتیجے میں کسی نقصان کے حوالے سے کوئی بات سامنے نھیں آئی ہے۔
