تربت میں دھماکہ
بلوچستان کے شہر تربت میں دھماکے کی اطلاع موصول ہوئی ہے ۔تفصیلات کے مطابق دھماکے کے نتیجے میں ایک شخص جاں بحق جب کہ دو افراد زخمی ہو گئے ہیں ۔پولیس کے مطابق دھماکہ تربت کے علاقے آبسر میں ہوا، جہاں دیسی ساختہ بم نامعلوم افراد کی جانب سے سڑک کنارے نصب کیا گیا تھا۔”جنگ ” کے مطابق واقعے کے بعد پولیس اور دیگر قانون نافذ کرنیوالے اداروں کے اہلکار موقع پر پہنچ گئے۔ میتوں اور زخمیوں کو ہسپتال منتقل کر دیا گیا ہے،پولیس کی جانب سے علاقے کی ناکہ بندی کر کے ملزمان کی تلاش شروع کر دی گئی ہے۔
