بلوچستان کے ضلع ژوب میں گورنمنٹ ماڈل ہائیر سیکنڈری اسکول کا کلرک کلاس نہم اور دہم طلبہ کے امتحان داخلہ فیس کی مد میں جمع لاکھوں روپے آن لائن جوئے میں ہار گیا۔پرنسپل گورنمنٹ ماڈل ہائیر سیکنڈری اسکول ژوب وزیر خان نے تصدیق کرتے ہوئے بتایا کہ گورنمنٹ ماڈل ہائیر سیکنڈری اسکول کے نویں اور دسویں جماعت کے 878 طلبہ کی امتحانی فیس کی مد میں 23 لاکھ 14 ہزار روپے کلرک کے پاس پڑے تھے، امتحانی فیس جمع کرانے کا بتانے پر کلرک نے آن لائن جوا 1X bet میں رقم ہارنے کا انکشاف کیا۔پرنسپل نے بتایا کہ بلوچستان بورڈ میں فیس جمع کرانے کی آخری تاریخ 30 اکتوبر مقرر ہے، بروقت فیس جمع نہ ہونے کی صورت میں طلبہ کے داخلے متاثر ہونے کا خدشہ ہے۔انہوں نے مزید بتایا کہ اطلاع ملنے پر گورنمنٹ ماڈل ہائیر سیکنڈری اسکول کلرک شہزاد جمال کو گرفتار کرکے مقدمہ درج کرلیا۔
اسکول کلرک امتحانی فیس کے لاکھوں روپے آئن لائن جوئے میں ہار گیا
- فیس بک
- ٹویٹر
- واٹس ایپ
