آج بھی سورج آگ برسائیگا، محکمہ موسمیات کا اہم بیان
کراچی: محکمہ موسمیات کا کہنا ہے کہ رواں ہفتے ملک کے بیشتر علاقے شدید گرمی کی لپیٹ میں رہیں گے جب کہ شہر قائد میں آج موسم گرم اور مرطوب رہے گا۔محکمہ موسمیات کے مطابق کراچی کا موجودہ درجہ حرارت 31 ڈگری سینٹی گریڈ ہے جب کہ شہر کا درجہ حرارت آج 37 سے 39 ڈگری سینٹی گریڈ کے درمیان رہنے کا امکان ہے۔محکمہ موسمیات کے مطابق کراچی کی ہوا میں نمی کا تناسب 70 فیصد ہے، اور 17 کلومیٹر فی گھنٹہ کی رفتار سے ہوائیں چل رہی ہیں۔دوسری جانب محکمہ موسمیات کا کہنا ہے کہ پنجاب کے بیشتر اضلاع میں آج موسم شدید گرم رہے گا جب کہ مری، گلیات اور گردونواح میں موسم گرم اور خشک رہے گا۔
