عارف علوی کی فضل الرحمان سےملاقات،عمران خان کا پیغام پہنچادیا
سابق صدر مملکت ڈاکٹر عارف علوی نے مولانا فضل الرحمان سے ملاقات میں عمران خان کا اہم پیغام پہنچایا ہے۔تفصیلا ت کے مطابق ذرائع کا کہنا ہے کہ عمران خان نے عارف علوی کے ذریعے مولانا فضل الرحمان کو پیغام پہنچایا کہ حکومت عدلیہ پر شب خون مارنا چاہتی تھی جسے اپوزیشن نے مل کر ناکام بنایا، ہم آپ کے کردار کو سراہتے ہیں۔ذرائع نے کہا کہ عمران خان نے مولانا فضل الرحمان کو عوامی جمہوری معاملات پر ایکساتھ کھڑے ہونے کا پیغام دیا،
ملاقات میں ڈاکٹر عارف علوی نے مولانا فضل الرحمان اور ان کی پارٹی کا شکریہ ادا کیا۔ذرائع کا کہنا تھا کہ اس موقع پرسابق صدر عارف علوی کا کہنا تھا کہ یہ آئینی بل عوام کے بنیادی حقوق کو سلب کرنے کی کوشش ہے، حکومت آئینی ترمیمی بل کی آڑ میں آئین پاکستان پر حملہ آور ہوئی ہے۔ذرائع مزید بتایا کہ سربراہ جے یو آئی مولانا فضل الرحمان نے ترمیمی بل کے معاملہ پر اپوزیشن کو ساتھ لے کر چلنے کی یقین دہانی کرائی ہے اور کہا ہے کہ اب مشاورت سے ہی کوئی فیصلہ ہوگا۔ذرائع کی جانب سے یہ دعویٰ بھی سامنے آیا ہے کہ ملاقات میں دونوں جماعتوں کے درمیان ورکنگ کا ریلیشن شپ مزید بڑھانے پر اتفاق کیا گیا ہے۔
