انسٹا گرام نے صارفین کیلئے شاندار فیچر متعارف کرا دیا
انسٹا گرام نے اسٹوریز کیلئے کمنٹس کا نیا فیچر صارفین کیلئے متعارف کرایا ہے۔اس فیچر کی مدد سے صارفین انسٹا گرام اسٹوریز میں ایسے کمنٹس کرسکیں گے جو مخصوص وقت کے بعد خود ڈیلیٹ ہو جائینگے. اس سے قبل بھی انسٹا گرام اسٹوریز میں کمنٹ کرنا ممکن تھا۔مگر یہ کمنٹ پرائیویٹ میسج بن جاتا تھا اور صرف اسے نظر آتا تھا جس نے اسٹوری پوسٹ کی ہوتی تھی۔اب انسٹا گرام اسٹوریز میں براہ راست کمنٹس کا اضافہ کیا جا رہا ہے جس سے لوگوں کے جذبات دیگر افراد بھی دیکھ سکیں گے۔مگر 1 اسٹوری پر تمام افراد کمنٹ نہیں کرسکیں گے بلکہ صرف وہ صارفین ایسا کرسکیں گے جو اسٹوری پوسٹ کرنیوالے کو فالو کر رہے ہوں گے یا ایسے افراد بھی کمنٹ کرسکیں گے
جن کو اسٹوری پوسٹ کرنے والا فالو کر رہا ہوگا۔انسٹا گرام اسٹوریز کی طرح ان کمنٹس کی زندگی بھی چوبیس گھنٹے کی ہوگی۔انسٹا گرام کے1 ترجمان کے مطابق صارفین کے پاس کسی بھی اسٹوری میں کمنٹس کو ٹرن آن یا آف کرنیکا آپشن ہوگا۔ .کمپنی کی جانب سے یہ نہیں بتایا گیا کہ چوبیس گھنٹے بعد کمنٹس آرکائیو میں منتقل ہو جائینگے یا مکمل طور پر غائب ہو جائینگے .یاد رہے کہ حالیہ مھینوں میں انسٹا گرام کیجانب سے ریلز اور اسٹوریز کیلئے متعدد نئے فیچرز متعارف کرائے گئے ہیں۔
کچھ عرصے قبل کمپنی کی جانب سے گرڈ پوسٹس اور ریلز کیلئے تین دن بعد خودکار طور پر ڈیلیٹ ہونے والے نوٹس کا فیچر متعارف کرایا گیا تھا۔انسٹا گرام کی جانب سے یہ اعلان بھی کیا گیا کہ پوسٹس پر کچھ لائیکس زیادہ نمایاں نظر آئیں گے یعنی وہ لائیک تیرتے ہوئے دل کی طرح نظر آئینگے.
