دیر بالا میں تودہ گرنے سے ایک ہی گھر کے تمام بارہ افراد جاں بحق
دیر بالا: دیر بالا میں مسلسل بارشوں کے باعث رات گئے تودہ ایک مکان پر گر گیا جس سے نو بچوں سمیت بارہ افراد جاں بحق ہو گئے۔پولیس کا کہنا ہے کہ جاں بحق ہونے والوں میں نو بچے، دو خواتین اور 1 مرد شامل ہیں۔افسوسناک واقعہ دیربالا میں پاتراک کے علاقے میدن میں پیش آیا جہاں بارش اور رات کے اندھیرے کے باعث امدادی کارروائی میں سخت مشکلات کا سامنا کرنا پڑا۔امدادی کارروائیوں میں مقامی لوگوں کی بڑی تعداد کے علاوہ 1122 اپردیر، پولیس، دیر لیویز اور سول ڈیفنس کے اہلکار شامل تھے۔دیر بالا۔ جانبحق ہونے والے تمام افراد کی لاشیں مقامی لوگوں ریسکیو 1122 اپر دیر، سول ڈیفنس، پولیس اور دیر لیویز کے جوانوں نے ریسیکو آپریشن کے ذریعے نکال دئیے ہیںپولیس کے مطابق کافی مشکلات کے بعد دب کر جاں بحق ہونے والوں کی لاشیں نکال لی گئیں تھیں۔
