پاک بنگلہ دیش ٹیسٹ سیریزکے سستے ٹکٹ کیسے مل سکتے ہیں؟
بنگلہ دیش اور پاکستان کے درمیان پہلا ٹیسٹ میچ آج سے راولپنڈی میں شروع ہورہا ہے جب کہ دوسرے ٹیسٹ میچ کیلئے ٹکٹوں کی قیمتوں کا اعلان کردیا گیا ہے۔پی سی بی نے پاکستان اور بنگلہ دیش کے درمیان تیس اگست سے تین ستمبر تک راولپنڈی کرکٹ اسٹیڈیم میں ہونیوالے دوسرے ٹیسٹ میچ کیلئے ٹکٹوں کی قیمتوں کا اعلان کیا ہے۔
راولپنڈی کرکٹ اسٹیڈیم میں پریمیم انکلوژرز کے ٹکٹ 2 سو روپے، وی آئی پی 5 سو روپے میں دستیاب ہونگے. جب کہ ویک اینڈ پر اس ٹکٹ کی قیمت 6 سو روپے ہوگی۔پی سی بی کا کہنا ہے کہ زیادہ سے زیادہ شائقین کرکٹ کو اسٹیڈیم میں پہنچنے کا موقع دینے کے لیے ٹکٹوں کی قیمتیں کم رکھی گئی ہیں۔
پاکستان کرکٹ بورڈ کے مطابق ٹکٹ بورڈ کی ویب سائٹ سے آن لائن خریدے جاسکتے ہیں،
ویب سائٹ https://pcb.tcs.com.pk/
اسکے علاوہ ایوی ایشن گراؤنڈ میں واقع ٹکٹ بوتھ یا نامزد ٹی سی ایس برانچز سے بھی ٹکٹ حاصل کرنے کی سہولت موجود ہے۔میچ کے دنوں میں دو روٹس پر 1 مفت شٹل بس سروس بھی چلائی جائیگی تاکہ شائقین کی راولپنڈی کرکٹ اسٹیڈیم تک رسائی میں آسانی ہو۔روٹ ایک ایوی ایشن گراؤنڈ، راول روڈ، مری روڈ سے علامہ اقبال پارک کے داخلی دروازے تک چلیگا، جبکہ روٹ ٹو گورنمنٹ سیٹلائٹ ٹاؤن کالج فار بوائز، 6 روڈ، مری روڈ سے علامہ اقبال پارک کے داخلی دروازے تک جائیگا.
واضح رہے کہ پی سی بی نے گزشتہ ہفتے پاکستان اور بنگلہ دیش کے درمیان 2 میچوں کی ٹیسٹ سیریز کا دوسرا میچ کراچی سے راولپنڈی منتقل کرنے کا اعلان کیا تھا۔
یہ فیصلہ آنے والی چیمپیئنز ٹرافی 2025 کی تیاری کے لیے نیشنل بینک اسٹیڈیم کراچی میں جاری تعمیراتی کام کی وجہ سے کیا گیا۔
