کوئٹہ، سکیورٹی فورسز کی گاڑی کے قریب دھماکا ، 3 افراد زخمی
کوئٹہ ، اختر آباد مغربی بائی پاس پر سیکیورٹی فورسز کی گاڑی کے قریب دھماکا ہوا ہے۔دھماکے کی اطلاع ملتے ہی پولیس اور دیگر قانون نافذ کرنیوالے اداروں کے اہلکار اور ریسکیو حکام جائے وقوع پر پہنچ گئے۔پولیس کا کہنا ہے کہ دھماکے میں 3 افراد زخمی ہوئے ہیں ، جنہیں فوری طورپر بولان میڈیکل کمپلیکس (بی ایم سی)منتقل کر دیا گیا جہاں 1 زخمی کی حالت تشویشناک بتائی جاتی ہے۔پولیس کا کہنا ہے کہ دھماکے کی نوعیت کا تعین کیا جا رہا ہے، دھماکے کے بعد مغربی بائی پاس کو ہر قسم کی ٹریفک کے لیے بند کر دیا گیا ہے۔
