مشرقی بلوچستان میں طوفانی بارش سے چھ افراد جاں بحق
بلوچستان کے مشرقی حصے میں 5 روز سے جاری شدید بارشوں کے باعث چھ افراد جاں بحق اور پچیس افرادزخمی ۔ مشرقی بلوچستان کے کوہ سلیمان رینج میں بارش کے باعث بعض مقامات پر لینڈ سلائیڈنگ بھی دیکھنے میں آئی۔شدید بارشوں سے بلوچستان کو کے پی کے سے ملانے والی این70 ہائی وے دھاناسر ٹریفک کیلئے بند کر دی گئی
جس کے باعث ہائی وے پر بڑی تعداد میں گاڑیاں پھنس گئیں، مسلسل بارش کے باعث ہونے والے مختلف حادثات میں چھ افراد جاں بحق اور پچیس زخمی ہوگئے،ادھر ضلع ڑوب اور شیرانی میں بارشوں کے بعد ڈیرہ اسماعیل خان ڑوب شاہراہ کو دنہ سر کے مقام پر بند کردیا گیا،دوسری جانب محکمہ موسمیات نے آج مری،اسلام آباد،گلیات،گوجرانوالہ، بالاکوٹ،سیالکوٹ، مانسہرہ، ایبٹ آباد اور سوات ،نارووالمیں بارش کی پیشگوئی کی ہے۔مزید برآں کے پی کے کے چند مقامات، بلوچستان میں خضدار، آواران، لسبیلہ جبکہ آزاد کشمیر میں بھی بارش کا امکان ہے۔
