سی ایس ایس امتحان 2023 کے نتائج کا اعلان ہوگیا
سی ایس ایس امتحان 2023 کے نتائج کا اعلان ہوگیا، کامیاب امیدواروں کی شرح صرف3 فیصد سے بھی کم رہی ،ایف پی ایس سی کا کہنا تھا کہ صرف401 امیدوارتحریری امتحان پاس کر سکے، 210 کامیاب امیدواروں کی تعیناتی کی سفارش کی گئی ، کامیاب امیدواروں میں 84خواتین اور126مرد شامل ہیں ٹاپ کرنے والے پہلے 8 امیدواروں کا تعلق پنجاب سے ہے۔ میرٹ لسٹ میں بلوچستان سے تعلق رکھنے والے امیدوار نویں پوزیشن، آزاد کشمیر کے امیدوار 19 ویں پوزیشن حاصل کر سکے۔ایف پی ایس سی کے مطابق تحریری امتحان میں کل 13008 امیدواروں نے حصہ لیا ،
عادل ریاض پہلی، شہیر بانو دوسری، عکاشہ ابرار رانا نے تیسری پوزیشن حاصل کی، کامیاب امیدوار گریڈ 17 سے ملازمت کا آغاز کریں گے۔خیبر پختونخوا سے تعلق رکھنے والے امیدوار پچیسویں ،سندھ رورل سے امیدوار 66 ویں اور سندھ اربن سے 116 ویں پوزیشن حاصل کرنے میں کامیاب ہوئے۔ ایکس فاٹا سے امیدوار 80 ویں اور گلگت بلتستان سے امیدوار 130 ویں پوزیشن حاصل کر سکے۔
