انسداد دہشت گردی عدالت نے ریاستی اداروں کے خلاف ڈیجیٹل دہشت گردی کے مقدمے میں عادل راجا سمیت دیگر ملزمان کو دو، دو بار عمر قید کی سزا سنا دی۔ عدالت نے ملزمان پر بھاری جرمانے بھی عائد کیے ہیں۔
9 مئی کے واقعات سے متعلق ڈیجیٹل دہشت گردی کے کیس کی سماعت انسداد دہشت گردی عدالت اسلام آباد میں ہوئی، جہاں اے ٹی سی جج طاہر عباس سپرا نے ٹرائل مکمل ہونے کے بعد محفوظ فیصلہ سنایا۔
عدالت نے عادل راجا، حیدر مہدی، وجاہت سعید، صابر شاکر اور معید پیرزادہ کو دو، دو مرتبہ عمر قید کی سزا سنائی، جبکہ دیگر دفعات کے تحت مجموعی طور پر 35 سال قید اور 15 لاکھ روپے جرمانہ بھی عائد کیا گیا۔
پراسیکیوشن کی جانب سے 24 گواہان عدالت میں پیش کیے گئے، جبکہ ملزمان کی عدم موجودگی میں انسداد دہشت گردی قوانین کے تحت ٹرائل مکمل کیا گیا۔
تھانہ آبپارہ کے مقدمے میں صابر شاکر، معید پیرزادہ اور سید اکبر حسین کو سزا سنائی گئی، جبکہ تھانہ رمنا کے کیس میں شاہین صہبائی، حیدر مہدی اور وجاہت سعید کو مجرم قرار دیا گیا۔
