9 دسمبر 1971 کو آبدوز ہنگور کے عملے نے دشمن کے بحری جہاز ککری کو غرق کر کے اور کرپان کو شدید نقصان پہنچا کر بھارتی بحری غرور کو خاک میں ملا دیا، اور بہادری کی ایک درخشندہ تاریخ رقم کی۔
چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے کہا کہ یہ دن پاکستان کی ناقابلِ تسخیر دفاع کی روشن علامت ہے اور آج بھی دشمن کے ذہن پر نقش ہے۔
پاک بحریہ کے سربراہ ایڈمرل نوید اشرف نے اعلان کیا کہ ہنگور کی درخشاں روایت برقرار رکھتے ہوئے 8 جدید ہنگور کلاس آبدوزیں عنقریب پاک بحریہ میں شامل ہو رہی ہیں۔
پاک بحریہ نے ہنگور ڈے کے موقع پر خصوصی دستاویزی فلم “ہدف” جاری کی ہے، جو آبدوز ہنگور کے کمانڈنگ آفیسر وائس ایڈمرل (ریٹائرڈ) احمد تسنیم کی وار ڈائری پر مبنی ہے۔
