جی ایچ کیو میں پاکستان کے پہلے چیف آف ڈیفنس فورسز کے طور پر تعینات ہونے والے فیلڈ مارشل سید عاصم منیر کے اعزاز میں ایک پروقار تقریب منعقد ہوئی، جس میں تینوں مسلح افواج کے دستے نے گارڈ آف آنر پیش کیا۔
آئی ایس پی آر کے مطابق تقریب میں فیلڈ مارشل عاصم منیر کو نشان امتیاز (ملٹری) اور ہلال جرات کے اعزازات بھی دیے گئے۔ تقریب کے دوران مہمان خصوصی نے اعزازی دستے کا معائنہ کیا اور اعلیٰ عسکری افسران نے بھی شرکت کی۔
تقریب میں چیف آف دی نیول اسٹاف اور چیف آف ائیر اسٹاف سمیت متعدد اعلیٰ فوجی افسران موجود تھے، جبکہ اعزازی دستے کی جانب سے مہمان خصوصی کو جنرل سلامی پیش کی گئی۔
یہ تقریب فیلڈ مارشل عاصم منیر کی بطور چیف آف ڈیفنس فورسز خدمات اور تعیناتی کے اعزاز میں منعقد کی گئی، اور اس میں پاکستان آرمی، نیول اور ائیر فورس کے دستوں نے شاندار پیشکشیں کیں، جو ملکی دفاع کی مضبوطی اور عسکری قیادت کی عکاسی کرتی ہیں۔
