وفاقی وزیر پٹرولیم علی پرویز ملک سے او جی ڈی سی اور لندن کی لا فرم مل بینک کے وفد نے ملاقات کی۔ مل بینک کے پارٹنر منیب حسین ریکوڈک منصوبے کے فنانسرز کی نمائندگی کر رہے ہیں۔
وفد نے وفاقی وزیر کو ریکوڈک منصوبے کے فنانشل کلوز سے متعلق مثبت پیش رفت سے آگاہ کیا اور جاری فنانسنگ مراحل پر تفصیلی بریفنگ دی۔
علی پرویز ملک نے ریکوڈک منصوبے کی فنانسنگ میں پیش رفت کو انتہائی خوش آئند قرار دیتے ہوئے کہا کہ یہ منصوبہ پاکستان کی معدنی اور توانائی کے شعبوں میں نئی سرمایہ کاری کے لیے مضبوط بنیاد فراہم کرے گا۔
Read More..
وفاقی وزیر نے کہا کہ حکومت پاکستان معدنیات اور توانائی کے شعبے میں آنے والی نئی سرمایہ کاری کو مکمل سپورٹ کر رہی ہے۔ انہوں نے مزید کہا کہ پیٹرولیم سیکٹر میں پائیدار گروتھ کے لیے تمام ممکنہ اقدامات کیے جا رہے ہیں۔
