اسلام آباد: وفاقی وزیرِ داخلہ محسن نقوی سے چین کے سفیر جیان زیڈونگ نے ملاقات کی جس میں پاک چین دوطرفہ تعلقات، خطے کی صورتحال اور باہمی دلچسپی کے امور پر تفصیلی تبادلۂ خیال کیا گیا۔
چینی سفیر نے اسلام آباد میں ہونے والے خودکش حملے کی شدید مذمت کرتے ہوئے قیمتی جانوں کے ضیاع پر گہرے دکھ اور افسوس کا اظہار کیا۔ انہوں نے بتایا کہ چین کی وزارتِ خارجہ کے ترجمان نے بھی اس واقعے کی سخت مذمت کی ہے۔
ملاقات میں انسدادِ دہشت گردی کے شعبے میں تعاون مزید بڑھانے اور سیکیورٹی روابط مضبوط بنانے پر اتفاق کیا گیا۔
Read More..
وفاقی وزیرِ داخلہ محسن نقوی نے کہا کہ پاک چین تعلقات باہمی اعتماد اور احترام پر قائم ہیں، چین پاکستان کا بااعتماد دوست ہے جو ہر مشکل گھڑی میں ساتھ کھڑا رہا ہے۔
چینی سفیر نے یقین دلایا کہ چین پاکستان کے ساتھ بھرپور تعاون جاری رکھے گا۔
