Windows متعارف:
10 نومبر 1983ء کو مائیکروسافٹ نے ونڈوز (Windows) کے نام سے ایک نیا آپریٹنگ سسٹم متعارف کروایا۔ یہ ایک انقلابی قدم تھا کیونکہ اس سے پہلے کمپیوٹر صرف کمانڈ لائن کے ذریعے چلائے جاتے تھے۔ بل گیٹس نے گرافیکل یوزر انٹرفیس (GUI) کا تصور پیش کیا، جس سے صارف ماؤس کے ذریعے آئیکنز، ونڈوز اور مینو استعمال کر سکتا تھا۔
لونا ون کی روانگی:
10 نومبر 1970ء کو سوویت یونین کی خلائی گاڑی “لونا ون” چاند کی طرف روانہ ہوئی اور 15 نومبر 1970ء کو چاند کے مدار میں داخل ہوئی۔ یہ دنیا کی پہلی خلائی گاڑی تھی جسے زمین سے ریموٹ کنٹرول کے ذریعے چلایا گیا۔
سیم سٹریٹ کا آغاز:
10 نومبر 1969ء کو مشہور تعلیمی اور تفریحی پروگرام “سیم سٹریٹ” امریکی نشریاتی ادارے پر نشر ہونا شروع ہوا۔ اس پروگرام کا مقصد بچوں کو تفریح کے ساتھ تعلیم دینا تھا، خاص طور پر گنتی، حروف، معاشرتی آداب اور دوستی کے بارے میں۔
ور انچا زلزلہ:
10 نومبر 1940ء کو رومانیہ میں 7.7 شدت کا ور انچا زلزلہ آیا، جسے بخارسٹ زلزلہ بھی کہا جاتا ہے۔ اس زلزلے میں ایک ہزار سے زائد افراد ہلاک اور 4 ہزار سے زائد زخمی ہوئے۔
مصطفی کمال اتاترک کی وفات:
10 نومبر 1938ء کو ترکی کے بانی اور صدر مصطفی کمال اتاترک انتقال کر گئے۔ ان کی پندرہویں برسی کے موقع پر 10 نومبر 1953ء کو ان کی باقیات انقرہ میں واقع مزار میں منتقل کی گئیں۔
10 نومبر 1972ء کو سدرن ایئر ویز کی پرواز 49 کو ہائی جیک کیا گیا۔ اغوا کار دھمکی دے رہے تھے کہ طیارہ اوک رج نیشنل لیبارٹری پر گرایا جائے گا۔ طیارہ دو دن بعد کیوبا میں اتر گیا اور اغوا کار گرفتار ہو گئے۔ اس کے بعد امریکہ میں مسافروں کی جسمانی تلاشی لازمی قرار دی گئی۔
