جمعیت علمائے اسلام (ف) کے رہنما مولانا قاری محمد اعظم نامعلوم مسلح افراد کی فائرنگ سے شہید ہوگئے۔
تفصیلات کے مطابق واقعہ چمن کے مرکزی علاقے میں پیش آیا، جہاں موٹر سائیکل پر سوار حملہ آوروں نے مولانا قاری محمد اعظم پر اندھا دھند فائرنگ کی۔ فائرنگ کے نتیجے میں وہ موقع پر ہی جاں بحق ہوگئے جبکہ حملہ آور موقع سے فرار ہونے میں کامیاب ہوگئے۔
واقعہ کی اطلاع ملتے ہی پولیس اور دیگر قانون نافذ کرنے والے ادارے جائے وقوعہ پر پہنچ گئے، شواہد اکٹھے کیے اور علاقے کو گھیرے میں لے کر سرچ آپریشن شروع کردیا۔
شہید رہنما کی نعش کو پوسٹ مارٹم کے لیے مقامی اسپتال منتقل کردیا گیا ہے۔
چمن میں اس افسوسناک واقعے کے بعد علاقے میں خوف و ہراس پھیل گیا ہے۔
Read More..
