پاکستان کی دہشتگردی کے خلاف قربانیوں کو برطانوی چیف نے سراہا
اسلام آباد: برطانیہ کے فوجی چیف آف جنرل اسٹاف جنرل سر چارلس رولینڈ ونسنٹ واکر نے جمعرات کو جنرل ہیڈکوارٹرز (جی ایچ کیو) میں فیلڈ مارشل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور، علاقائی سلامتی کی صورتحال اور دفاعی تعاون کو مزید فروغ دینے کے اقدامات پر تفصیلی تبادلۂ خیال کیا گیا۔ دونوں رہنماؤں نے خطے میں امن و استحکام کے لیے مسلسل تعاون کی ضرورت پر زور دیا۔
Read More..
دورے پر آئے برطانوی آرمی چیف نے پاکستان آرمی کی دہشتگردی کے خلاف قربانیوں اور کامیابیوں کو سراہا اور علاقائی امن و استحکام کے قیام میں پاکستان کے کردار کی تعریف کی۔
قبل ازیں، جنرل سر چارلس واکر نے یادگار شہدا پر پھول چڑھائے اور شہدا کو خراج عقیدت پیش کیا، جبکہ بعد میں انہیں پاکستان آرمی کے ایک چاق و چوبند دستے نے گارڈ آف آنر پیش کیا۔
