واشنگٹن: امریکی صدر ڈونلڈ ٹرمپ نے انکشاف کیا ہے کہ پاکستان اور بھارت کے درمیان جنگ کے دوران آٹھ طیارے مار گرائے گئے تھے۔
ایک بزنس فورم سے خطاب کرتے ہوئے صدر ٹرمپ نے کہا کہ وہ اس وقت ایک تجارتی معاہدے پر دستخط کرنے والے تھے جب انہیں اطلاع ملی کہ “سات یا آٹھ طیارے مار گرائے گئے ہیں”، جس پر انہوں نے معاہدے کو فوری طور پر روک دیا تاکہ دونوں ممالک کے درمیان کشیدگی مزید نہ بڑھے۔
Read More..
انہوں نے دعویٰ کیا کہ ان کی مداخلت کے باعث پاکستان اور بھارت کے درمیان بڑھتی ہوئی کشیدگی میں کمی آئی اور دونوں ممالک نے امن کی راہ اپنائی۔
تاہم، بھارتی حکومت نے صدر ٹرمپ کے اس دعوے کو مسترد کرتے ہوئے مؤقف اختیار کیا ہے کہ پاک بھارت تنازعے میں کسی تیسرے فریق کا کوئی کردار نہیں رہا۔
