تربت میں زوردار دھماکہ
تربت میں ہونے والے بم دھماکے میں 9 اہلکاروں سمیت کل 10 افراد زخمی ہو گئے، جن میں سے دو کی حالت تشویشناک بتائی گئی ہے۔ زخمیوں میں لیویز اہلکار شامل ہیں: شبیر احمد ولد گل محمد (دشتی بازار)، نظام الدین ولد نظر محمد (تنزگ)، راجہ احمد ولد اللہ داد (چاہ سر)، عبد الغفار ولد محمد حسین (آپسر)، بلال احمد ولد ارباب (سنگانی سر)، صدام حسین ولد نور محمد (پنجگور)، عباس ولد عبدالنبی (کوئٹہ)، نصیر احمد ولد عبدالمنان (تنزگ)، اور مزار ولد واحد بخش (ناصر آباد)، جبکہ ایک راہ گیر عدیل احمد ولد حضور بخش (آواران) بھی زخمی ہوا۔
دھماکے کے فوراً بعد لیویز فورس اور پولیس نے تمام زخمیوں کو ٹیچنگ ہسپتال تربت منتقل کر کے فوری طبی امداد فراہم کی۔
Read More..
ابتدائی معلومات کے مطابق دھماکے سے ڈپٹی کمشنر کیچ کی اسکواڈ میں شامل ایک گاڑی کے علاوہ تین دیگر گاڑیاں بھی متاثر ہوئیں جو دھماکے کے وقت قریب ہی سڑک پر کھڑی تھیں۔
سیکیورٹی فورسز نے علاقے کو حفاظتی حصار میں لے کر تحقیقات اور سرچ آپریشن شروع کر دیا ہے۔
