پانچ سال بعد پی آئی اے کی پرواز مانچسٹر پہنچ گئی، ایئرپورٹ پر پاکستان زندہ باد کے نعرے
اسلام آباد: پانچ سال کے وقفے کے بعد قومی ایئر لائن (پی آئی اے) کی پہلی پرواز اسلام آباد سے برطانیہ کے شہر مانچسٹر پہنچ گئی۔
ترجمان پی آئی اے کے مطابق بوئنگ 777 طیارہ اسلام آباد سے مانچسٹر کے لیے اڑان بھرا اور تقریباً 5 گھنٹے کی براہِ راست پرواز کے بعد مقامی وقت کے مطابق شام 5 بجے مانچسٹر ایئرپورٹ پر لینڈ کیا۔
مانچسٹر ایئرپورٹ پر پاکستانیوں کی بڑی تعداد موجود تھی جنہوں نے طیارے کے پہنچنے پر پاکستان زندہ باد کے نعرے لگائے اور خوشی کا اظہار کیا۔
اس موقع پر وفاقی وزیرِ دفاع و ہوا بازی خواجہ آصف نے پی آئی اے کے یوکے فلائٹ آپریشن کی بحالی کا افتتاح کیا، جبکہ برطانوی ہائی کمشنر جین میریٹ بھی تقریب میں شریک تھیں۔
واضح رہے کہ 2022 میں اُس وقت کے وفاقی وزیرِ ہوا بازی غلام سرور خان کے پارلیمنٹ میں پاکستانی پائلٹس کی جعلی ڈگریوں سے متعلق بیان کے بعد یورپی یونین اور برطانیہ نے پی آئی اے پر پروازوں کی پابندی عائد کردی تھی، جس کے بعد یہ آپریشن بند کردیا گیا تھا۔
