سونے کی فی تولہ قیمت نئی بلند ترین سطح پر
Gold کی قیمتوں میں پاکستان سمیت عالمی مارکیٹ میں تاریخی اضافہ ریکارڈ کیا گیا ہے، جس کے بعد ملکی تاریخ میں فی تولہ سونا پہلی بار ساڑھے 4 لاکھ روپے کی ریکارڈ سطح سے اوپر چلا گیا۔
ملکی صرافہ مارکیٹ کے مطابق:
فی تولہ سونا 14,100 روپے اضافے کے بعد 456,900 روپے کا ہو گیا۔
10 گرام سونا 12,089 روپے اضافے کے بعد 391,718 روپے کا ہو گیا۔
10 گرام 22 قیراط سونا 359,087 روپے کا ہو گیا۔
بین الاقوامی مارکیٹ میں بھی سونے کی قیمتوں میں بڑا اضافہ دیکھا گیا ہے، جہاں سونا 141 ڈالر اضافے کے بعد 4,358 ڈالر فی اونس پر پہنچ گیا۔
معاشی ماہرین کے مطابق عالمی سطح پر بڑھتی ہوئی جیو پولیٹیکل کشیدگی، سرمایہ کاروں کا قیمتی دھاتوں کی طرف رجحان اور ڈالر کے مقابلے میں دیگر کرنسیوں کی قدر میں اتار چڑھاؤ سونے کی قیمتوں میں اضافے کی بڑی وجوہات ہیں۔
پاکستان میں روپے کی قدر میں کمی اور عالمی نرخوں میں اضافے کا اثر مقامی مارکیٹ پر براہِ راست پڑ رہا ہے، جس کے باعث سونا تاریخ کی بلند ترین سطح پر پہنچ گیا ہے۔
