فیض آباد دھرنے کے باعث اسلام آباد میں ٹریفک ڈائیورشن پلان جاری
عوام الناس کو مطلع کیا جاتا ہے کہ فیض آباد کے مقام پر امن و امان کی صورتحال کے پیش نظر مختلف مقامات پر ٹریفک ڈائیورشن کی گئی ہے۔ شہریوں سے گزارش ہے کہ کسی بھی پریشانی سے بچنے کے لیے درج ذیل متبادل راستے اختیار کریں۔
نوٹ:
اسلام آباد میں ہر قسم کی ہیوی ٹریفک کا داخلہ اگلے حکم تک بند رہے گا۔
چھوٹی گاڑیوں کے لیے متبادل راستے
فیض آباد کے اطراف سے آنے والی ٹریفک کے لیے:
ٹریفک کو درج ذیل مقامات سے موڑا جائے گا:
راول ڈیم چوک سے فیض آباد کی جانب:
دونوں اطراف سے ٹریفک بند رہے گی۔
بہارہ کہو، مری اور اسلام آباد سے راولپنڈی جانے والے حضرات راول ڈیم چوک سے پارک روڈ، کیپٹن نعیم طفیل شہید چوک (ترامڑی چوک)، لہتراڑ روڈ اور کھنہ کے ذریعے ایکسپریس وے استعمال کریں۔
ائیرپورٹ جانے والے مسافر کشمیر چوک اور سری نگر ہائی وے کو ترجیح دیں۔
گارڈن فلائی اوور سے فیض آباد کی طرف:
ٹریفک دونوں اطراف سے بند رہے گی۔
آئی ایٹ کے رہائشی زیرو پوائنٹ، سری نگر ہائی وے، کلب روڈ اور راول ڈیم چوک سے پارک روڈ کا راستہ اختیار کریں۔
کھنہ پل سے فیض آباد (ایکسپریس وے):
ٹریفک دونوں اطراف سے موڑ دی جائے گی۔
کورال سے اسلام آباد آنے والے کھنہ پل سے لہتراڑ روڈ، ترامڑی چوک، پارک روڈ اور راول ڈیم چوک استعمال کریں۔
نائنتھ ایونیو اور آئی جے پی روڈ سے فیض آباد کی سمت:
ٹریفک دونوں جانب سے بند رہے گی۔
آئی جے پی روڈ سے آنے والے گوہر شہید چوک (گندم گودام چوک) سے فقیر ایپی روڈ اور سری نگر ہائی وے استعمال کریں۔
سی ڈی اے ڈبل روڈ سے آئی-10 سروس روڈ کے ذریعے نائنتھ ایونیو اور سری نگر ہائی وے جا سکتے ہیں۔
زیرو پوائنٹ سے ایکسپریس وے کی طرف:
ٹریفک کو سری نگر ہائی وے، راول ڈیم چوک، پارک روڈ، لہتراڑ روڈ اور کھنہ پل کے راستے ایکسپریس وے پر منتقل کیا گیا ہے۔
زیرو پوائنٹ سے فیض آباد اور فیصل ایونیو کی سمت:
ٹریفک دونوں اطراف سے بند رہے گی۔
اسلام آباد سے فیصل ایونیو کے ذریعے راولپنڈی جانے والے شہری زیرو پوائنٹ، سری نگر ہائی وے اور نائنتھ ایونیو استعمال کریں۔
اضافی نوٹ:
ایف-8، ایف-9، ایف-10، ایف-11، جی-10، جی-11 اور ملحقہ سیکٹرز کے رہائشی راولپنڈی آنے جانے کے لیے سری نگر ہائی وے براستہ گولڑہ موڑ استعمال کریں۔
