شہداء قربانیاں کبھی رائیگاں نہیں جائیں گی،وزیر اعلیٰ بلوچستان میر سرفراز بگٹی
وزیر اعلیٰ بلوچستان میر سرفراز بگٹی نے اورکزئی آپریشن میں شہید ہونے والے پاک فوج کے افسران اور جوانوں کو زبردست خراجِ عقیدت پیش کیا ہے۔
انہوں نے کہا کہ قوم اپنے بہادر سپوتوں کی عظیم قربانیوں کو سلام پیش کرتی ہے جنہوں نے مادرِ وطن کے دفاع میں اپنی جانوں کا نذرانہ پیش کیا۔
میر سرفراز بگٹی نے کہا کہ لیفٹیننٹ کرنل جنید عارف، میجر طیّب راحت اور دیگر شہداء نے اپنی جانیں قربان کر کے جرات و بہادری کی ایک نئی تاریخ رقم کی، ان کی قربانیاں ہمیشہ یاد رکھی جائیں گی۔
Read More..
وزیر اعلیٰ بلوچستان نے کہا کہ پوری قوم اپنے شہداء کی قربانیوں پر نازاں ہے، ان کے اہل خانہ کے ساتھ مکمل اظہارِ یکجہتی کیا جاتا ہے اور ان کی قربانیوں کو کبھی فراموش نہیں کیا جائے گا۔
انہوں نے کہا کہ دہشت گردی کے مکمل خاتمے کے لیے پاک فوج کے عزم، استقامت اور قربانیوں کو خراجِ تحسین پیش کرتے ہیں۔
