پنجاب میں سیلاب نقصانات کے سروے کیلئے فوج تعینات

پنجاب میں سیلاب نقصانات کے سروے کیلئے فوج تعینات

پنجاب میں حالیہ سیلاب سے ہونے والے جانی و مالی نقصانات کے تخمینے کے لیے وفاقی حکومت نے صوبائی حکومت کی درخواست پر پاک فوج تعینات کرنے کا فیصلہ کر لیا ہے۔ اس سلسلے میں باضابطہ احکامات پنجاب حکومت کو ارسال کر دیے گئے ہیں۔

رپورٹ کے مطابق پاک فوج کی خدمات صوبے کے 27 اضلاع میں نقصانات کے سروے کے لیے حاصل کی گئی ہیں۔ فوجی جوان مشترکہ سروے ٹیموں کا حصہ بن کر متاثرہ علاقوں میں انسانی جانوں، املاک، فصلوں، مویشیوں اور انفرا اسٹرکچر کو پہنچنے والے نقصان کا تفصیلی جائزہ لیں گے۔

یاد رہے کہ حالیہ سیلاب میں بھاری جانی و مالی نقصان ہوا ہے، جس کے بعد جامع سروے ناگزیر قرار پایا۔ وفاقی حکومت نے فوج کی تعیناتی آئین کے آرٹیکل 245 کے تحت کی ہے۔

واضح رہے کہ سیلاب کے دوران پاک فوج اور دیگر اداروں نے بروقت ریسکیو آپریشن کرتے ہوئے ہزاروں متاثرہ شہریوں کو محفوظ مقامات پر منتقل کیا تھا۔

Author

You might also like
Leave A Reply

Your email address will not be published.