وزیراعظم شہباز شریف 6 روزہ علاقائی دورے پر روانہ
اسلام آباد: وزیراعظم شہباز شریف ترکیہ، آذربائیجان، ایران اور تاجکستان کے 6 روزہ سرکاری دورے پر روانہ ہوگئے۔ وہ لاہور سے خصوصی طیارے کے ذریعے استنبول پہنچے جہاں ان کا پرتپاک استقبال کیا گیا۔
وفد میں نائب وزیراعظم و وزیر خارجہ اسحاق ڈار، وزیر اطلاعات عطا اللہ تارڑ، اور معاون خصوصی طارق فاطمی شامل ہیں۔
وزیراعظم اپنے دورے کے دوران ان ممالک کی قیادت سے دو طرفہ تعلقات، علاقائی و عالمی امور، اور اقتصادی تعاون پر تبادلہ خیال کریں گے۔
وزیراعظم دوست ممالک کی جانب سے بھارت سے کشیدگی کے دوران پاکستان کی حمایت پر ان کا شکریہ بھی ادا کریں گے۔ علاوہ ازیں وہ 29 اور 30 مئی کو تاجکستان کے دارالحکومت دوشنبے میں گلیشیئرز سے متعلق بین الاقوامی کانفرنس میں بھی شرکت کریں گے۔
وزیراعظم 30 مئی کو وطن واپس پہنچیں گے۔
