کوئٹہ میں زلزلے کے جھٹکے، شدت 4.9 ریکارڈ
کوئٹہ اور اس کے گردونواح میں پیر کی صبح زلزلے کے جھٹکے محسوس کیے گئے جس سے شہریوں میں خوف و ہراس پھیل گیا۔ زلزلہ پیما مرکز کے مطابق زلزلے کی شدت ریکٹر اسکیل پر 4.9 ریکارڈ کی گئی۔
زلزلے کا مرکز کوئٹہ سے 25 کلومیٹر مغرب میں زمین کی گہرائی میں واقع تھا۔ تاحال کسی جانی یا مالی نقصان کی اطلاع موصول نہیں ہوئی، تاہم لوگ کلمہ طیبہ کا ورد کرتے گھروں سے باہر نکل آئے۔
محکمہ موسمیات اور متعلقہ ادارے ممکنہ آفٹر شاکس کے خدشے کے پیش نظر شہریوں کو محتاط رہنے کی ہدایت کر رہے ہیں۔
