یونیورسٹی آف انجینئرنگ اینڈ ٹیکنالوجی دنیا کی بہترین جامعات میں شامل
عالمی رینکنگ میں یونیورسٹی آف انجینئرنگ و ٹیکنالوجی (یو ای ٹی) کی نمایاں درجہ بندی کا سلسلہ جاری ہے،انجینئرنگ و ٹیکنالوجی کے میدان میں یو ای ٹی کو دنیا کی 205 بہترین جامعات میں شامل کر لیا گیا ہے۔
یو ای ٹی نے کیو ایس ورلڈ یونیورسٹی رینکنگز بائے سبجیکٹ میں بھی شاندار کامیابی حاصل کرلیا،نجینئرنگ اور ٹیکنالوجی کے میدان میں یو ای ٹی نے 31مقامات کی بہتری کیساتھ 205ویں پوزیشن حاصل کی ہے،اسی طرح مکینیکل انجینئرنگ میں یو ای ٹی 251-300مقام پر ہے،کمپیوٹر سائنس اور انفارمیشن سسٹم میں یو ای ٹی 401-450 نمبر پر ہے،ریاضی کے ڈومین میں یو ای ٹی نے گزشتہ حد 451-500برقرار رکھی،یو ای ٹی نے بزنس اینڈ مینجمنٹ اسٹڈیز میں 551-600کی رینکنگ حاصل کی،فزکس اور فلکیات میں بھی گزشتہ برس کیطرح 601-675کی رینکنگ حاصل کی۔یو ای ٹی کا پیٹرولیم انجینئرنگ کا شعبہ دنیا بھر کے بہترین شعبہ جات میں 51 سے 100 کے درمیان رینکنگ کیا گیا.الیکٹرکل انجینئرنگ کا شعبہ دنیا بھر میں درجہ بندی کے اعتبار سے 201-250 کے درمیان شمار کیا گیا.کیمیکل انجینئرنگ 351-400 میں نمبر پر ہے جبکہ میٹریل سائنس کو دنیا کے 351-400 بہترین شعبہ جات میں شمار کیا گیا.
اس حوالے سے وائس چانسلر ڈاکٹر شاہد منیر کا کہنا ہے کہ یہ کامیابی یو ای ٹی کے تمام اسٹیک ہولڈرز کی محنت کا نتیجہ ہے،ہمارے اساتذہ، طلباء اور انتظامی آفیسرز نے مل کر اس کامیابی کو ممکن بنایا ہے۔یو ای ٹی ترقی کی راہوں پر اسی طرح گامزن رہے گی،اگلے برس یو ای ٹی کی عالمی رینکنگ میں مزید بہتری اور اونچا مقام حاصل کرنا ہماری اولین ترجیح ہے،یو ای ٹی لاہور کی ترقی کی یہ خبریں یقیناً خوش آئند ہیں،رینکنگ میں مسلسل بہتری یو ای ٹی کو نا صرف پاکستان بلکہ عالمی سطح پر بھی یو سی ٹی کے بلند معیار تعلیم کا اعتراف ہے۔وائس چانسلر ڈاکٹر شاہد منیر نے وزیرِ اعلیٰ ، سیکرٹری ہائیر ایجوکیشن ، اساتذہ، طلباء ، سٹاف اور ایلومینائی کو اس کامیابی پر مبارکباد دی۔
