چیمپیئنز ٹرافی: بھارت کو ملی انعامی رقم؟
انڈیا کی کرکٹ ٹیم نے دبئی میں منعقدہ چیمپیئنز ٹرافی کے فائنل میں نیوزی لینڈ کو 4 وکٹوں سے شکست دے کر ٹائٹل اپنے نام کیا۔
روہت شرما کی قیادت میں فاتح بھارتی ٹیم اس اہم آئی سی سی ایونٹ میں ٹرافی کے ساتھ ساتھ بڑی انعامی رقم کی بھی حقدار ٹھہری ہے۔میڈیا رپورٹس کے مطابق بھارتی ٹیم کو 2.24 ملین ڈالرز کی انعامی رقم ملی جو 62 کروڑ پاکستانی روپے کے برابر بنتی ہے۔
فائنل کی رنر اپ نیوزی لینڈ کی ٹیم کو اس سے آدھی رقم یعنی 1.12 ملین ڈالرز دیے گئے جو 31 کروڑ کی لگ بھگ رقم بنتی ہے۔
اسکے علاوہ سیمی فائنل تک پہنچ کر ہارنے والی جنوبی افریقہ اور آسٹریلیا کی ٹیموں 5 لاکھ 60 ہزار ڈالرز جبکہ اس ٹورنمنٹ میں 7ویں پوزیشن حاصل کرنیوالی پاکستانی ٹیم ایک لاکھ 40 ہزار ڈالرز یعنی 3 کروڑ 91 لاکھ روپے کی حقدار ٹھہری۔
