خضدار میں زوردار دھماکا، چار افراد جاں بحق

پشین: جے یو آئی رہنما ادریس آغا کی گاڑی پر فائرنگ، اہلیہ جاں بحق، آغا شدید زخمی

 جمعیت علماء اسلام (جے یو آئی) ضلع پشین کے رہنما ادریس آغا کی گاڑی پر نامعلوم مسلح افراد نے فائرنگ کر دی، جس کے نتیجے میں ان کی اہلیہ موقع پر شہید ہو گئیں، جبکہ ادریس آغا شدید زخمی ہو گئے۔پولیس کے مطابق واقعہ پشین کے علاقے میں پیش آیا، جہاں نامعلوم حملہ آوروں نے ان کی گاڑی کو نشانہ بنایا اور فائرنگ کے بعد فرار ہو گئے۔ زخمی ادریس آغا کو تشویشناک حالت میں قریبی اسپتال منتقل کر دیا گیا، جہاں انہیں طبی امداد فراہم کی جا رہی ہے۔واقعے کے بعد قانون نافذ کرنے والے اداروں نے علاقے کو گھیرے میں لے کر تحقیقات کا آغاز کر دیا ہے، جبکہ حملہ آوروں کی گرفتاری کے لیے چھاپے مارے جا رہے ہیں۔جے یو آئی رہنماؤں نے اس حملے کی شدید مذمت کرتے ہوئے حکومت سے مطالبہ کیا ہے کہ مجرموں کو فوری طور پر گرفتار کر کے انصاف کے کٹہرے میں لایا جائے۔ مختلف مذہبی و سیاسی شخصیات نے بھی واقعے پر گہرے افسوس کا اظہار کرتے ہوئے مقتولہ کے اہل خانہ سے تعزیت کی ہے۔

مزید تحقیقات جاری ہیں۔