پہاڑوں پر برفباری اورطوفانی بارش کہاں کہاں متوقع ہے؟
آج کے پی، گلگت بلتستان،وسطی پنجاب، کشمیر، اور شمالی بلوچستان میں بارش، ہوا، طوفانی بارش ،آندھی، اور پہاڑوں پر برفباری متوقع ہے۔کے پی کے بالائی علاقوں اور کشمیر میں تیز بارش اور برفباری کی متوقع ہے۔ ملک کے دوسرے حصوں میں موسم سرد اور خشک رہنیکا امکان ہے۔
محکمہ موسمیات کے مطابق چار مارچ 2025 بروز ملک کے بیشتر حصوں میں بنیادی طور پر خشک موسم متوقع ہے۔ تاہم،کے پی کے بالائی علاقے، گلگت بلتستان اور کشمیر میں مقامی طور پر جزوی طور پر ابر آلود موسم کیساتھ بارش، ہوا، طوفانی بارش ، آندھی اور پہاڑوں پر ہلکی برفباری کی توقع ہے۔ پوٹھوہار ریجن اور اسلام آباد میں صبح کے اوقات میں ہلکی بارش ہوسکتی ہے۔بدھ پانچ مارچ 2025 کو ملک کے بیشتر حصوں میں بنیادی طور پر خشک موسم متوقع ہے۔ تاہم، بلند علاقوں میں سردی کی شدت برقرار رہنیکا امکان ہے۔
پی ڈی ایم اے پنجاب کا الرٹ
پی ڈی ایم اے پنجاب نے بارشوں بارے الرٹ جاری کیا ہے۔ کہا ہے کہ رمضان میں دو سے چار مارچ کے دوران صوبے کے بیشتر اضلاع میں بارشوں کی پیش گوئی ہے۔ مری، گلیات سمیت دیگر پہاڑی علاقوں میں برفباری اور بارش کی پیش گوئی ہے۔ڈی جی پی ڈی ایم اے عرفان علی کاٹھیا نے کمشنرز اور ڈپٹی کمشنرز کو الرٹ رہ نیکی ہدایت کی ہے۔ واسا، ریسکیو، محکمہ آبپاشی، لائیو سٹاک اور دیگر متعلقہ محکموں کو بھی الرٹ جاری کیا گیا ہے۔
جہلم، راولپنڈی چکوال،اٹک، میانوالی، خوشاب، سرگودھا،لاہور، شیخوپورہ، حافظ آباد، منڈی بہاؤالدین، گجرات، سیالکوٹ، گجرانوالہ، فیصل آباد، ٹوبہ ٹیک سنگھ،نارووال، ملتان، ڈیرہ غازی خان، راجن پور، خانیوال، لیہ، بھکر، بہاولپور،ساہیوال اور پاکپتن میں بھی بارشوں کا امکان ہے۔شہریوں سے گزارش ہے کہ خراب موسم کی صورتحال میں غیر ضروری سفر سے گریز کریں۔ پی ڈی ایم اے کنٹرول روم میں صورتحال کی مانیٹرنگ چوبیس گھنٹے جاری ہے۔ ایمرجنسی صورتحال میں پی ڈی ایم اے ہیلپ لائن 1129 پر کال کریں۔
