بلوچستان صرف سانحات میں کیوں یاد آتا ہے؟ سرفراز بگٹی کا شکوہ
وزیراعلیٰ بلوچستان سرفراز احمد بگٹی کا کہنا ہے کہ چیلنجز بہت بڑے ہیں، ایک سالہ کارکردگی پر کام کر رہے ہیں جلد ہی حکومت اپنی ایک سالہ کارکردگی میڈیا کے سامنے پیش کریگی۔وہ کوئٹہ میں میڈیا سے گفتگو کر رہے تھے۔وزیراعلیٰ بلوچستان کا کہنا تھا کہ محدود وسائل میں فیصلہ کیا ہے کہ سروے کے مطابق تقریباً پچاس سے ساٹھ ہزار خاندانوں کو راشن دینگے.
انہوں نے میڈیا ہاؤسز بند کرنے کی شدید الفاظ میں مذمت کرتے ہوئے کہا کہ یہ کوئی طریقہ نہیں کہ آدھے پاکستان میں بیورو آفیسز بند کردیے جائیں اگر بند کرنے ہی ہیں تو پورے پاکستان میں بند کیے جائیں۔انھوں نے کہا کہ ہم یہ مسئلہ وزیر اعظم اور پاکستان براڈ کاسٹ کے سامنے رکھیں گے۔
پہلے ہی بلوچستان کو نیشنل میڈیا نے نظر انداز کیا ہوا ہے۔انکا کہنا تھا کہ بلوچستان کے صحافی ویسے ہی مشکل حالات میں کام کر رہے ہیں، ہم نے صحافیوں کو بے روزگار نہیں ہونے دینگے.انھوں نے کہا کہ ہم اپنے صحافیوں کی حوصلہ افزائی کرینگے ہم کسی صورت کوئٹہ سے بیوروز بند نہیں ہونے دینگے.
