معیشت کی بحالی کیلئے دن رات محنت کی،وزیراعظم
وزیراعظم شہباز شریف نے کہا ہے کہ معیشت کو ٹھیک کرنے کیلئے دن رات محنت کی، اور ابھی اس سلسلے میں مزید محنت درکار ہے۔انھوں نے کہا کہ آہستہ آہستہ عوام کو بہتر معیشت کے ثمرات مل رہے ہیں، حکومت کی بہتری کیلئے اقدامات کئے اور سفارشی کلچر کو ختم کرنیکی کوشش کی۔شہباز شریف کا کہنا تھا کہ جب حکومت سنبھالی تو حالات انتھائی مشکل تھے،
سیاسی جھگڑوں سے نفرت پھیلتی ہے جو ملک کیلیے نقصان دہ ہے، پی ٹی آئی کے دور میں نفرت کا کلچر پروان چڑھا جس نے ملک کو نقصان پہنچایا، باہمی اتفاق سے ملک کو ترقی دی جاسکتی ہے۔وزیراعظم نے کہا ہے کہ مہنگائی کی شرح سنگل ڈیجٹ پر آچکی ہے، بینکوں کا مارک اپ ریٹ کم ہوگیا ہے،
اور آنیوالے دنوں میں مہنگائی کا گراف مزید کم ہوگا۔انھوں نے کہا کہ آج ہم ملک میں بہتر حالات دیکھ رہے ہیں تو یہ پوری ٹیم کی کاوش ہے، سرکاری افسران کو بھی دن رات محنت کرنا ہوگی۔شہباز شریف نے پاک فوج کو خراج تحسین پیش کرتے ہوئے کہا کہ فوج ملک کیلئے جانوں کی قربانیاں دے رہی ہے۔
