پولیو مہم: 4 دن میں 4 کروڑ 10 لاکھ بچوں کو قطرے پلائے گئے
2025 کی پہلی قومی انسدادِ پولیو مہم پاکستان بھر میں جاری ہے۔ ابتدائی چار دن میں چار کروڑ دس لاکھ سے زائد بچوں کو پولیو کے قطرے پلائے گئے ہیں۔ترجمان وزارت صحت کے مطابق قومی پولیو مہم نو فروری تک جاری رہیگی،
والدین سے درخواست پولیو مہم کے دوران بچوں کو پولیو کے قطرے ضرور پلائیں۔کوآرڈینیٹر برائے صحت ڈاکٹر مختار بھرتھ نے کہا ہے کہ پولیو ورکرز قوم کے ہیروز ہیں، انکی خدمات کو خراج تحسین پیش کرتے ہیں۔ پولیو کے خاتمے کی کوششوں میں عوام حکومت کا بھر پور ساتھ دے۔ والدین اور سول سوسائیٹی کی مدد کے بغیر یہ جنگ نھیں جیت سکتے۔ڈاکٹر مختار بھرتھ کا مزید کہنا تھا کہ وزیراعظم کی قیادت میں پولیو کے خاتمے کا پختہ عزم کر رکھا ہے۔ پولیو کے خاتمے کیلیے ایک مربوط حکمت عملی کے تحت کام جاری ہے۔
ملک سے پولیو کے خاتمے کیلیے تمام اسٹیک ہولڈرز سنجیدہ اقدامات کو یقینی بنا رہے ہیں۔انکا کہنا تھا کہ ہائی رسک علاقوں پر خصوصی حکمت عملی کے زریعے اقدامات جاری ہیں۔ وزیراعظم کی ہدایت پر بلوچستان میں مہم کا جائزہ لینے کیلیے فیلڈ کا دورہ کیا۔ حکومتِ پاکستان پولیو ورکرز کی حفاظت یقینی بنانیکے لیے ہر ممکن اقدامات کر رہی ہے۔ آئیے پولیو وائرس کو جڑ سے اکھاڑ پھینکنے کیلئے اپنا کلیدی کردار ادا کریں۔
