صدر مملکت آصف زرداری دورہ چین کیلئےروانہ
صدر آصف علی زرداری دورہ چین کیلئے اسلام آباد سے روانہ ہو گئے۔آصف زراری چار سے 8 فروری تک دورہ چین کیلیے وفد کے ہمراہ اسلام آباد سے روانہ ہوئے، نائب وزیر اعظم و وزیرِ خارجہ اسحاق ڈار، سینیٹر سلیم مانڈوی والا ،وزیر داخلہ محسن نقوی،اور ڈاکٹر عاصم حسین بھی صدر مملکت کے ہمراہ تھے۔صدرمملکت بیجنگ میں چین کی اعلیٰ سطح کی سیاسی قیادت سے ملاقاتیں کرینگے. صدر مملکت چینی صدر شی جن پنگ اور سٹیٹ کونسل کے پریمیئر لی چیانگ سے ملیںگے۔صدر مملکت کا دورہ چین دوطرفہ تعلقات مزید مضبوط بنانے کیلیے نہایت اہمیت کا حامل ہے، صدر مملکت کا دورہ چین دوطرفہ اقتصادی و تجارتی تعاون مزید بڑھانے میں اہم کردار ادا کریگا.ملاقاتوں کے دوران پاک چین اقتصادی راہداری، علاقائی روابط، سکیورٹی تعاون سمیت اہم دوطرفہ امور پر تبادلہ خیال کیا جائیگا.
