28جنوری کو عام تعطیل کا اعلان
سندھ کے حکومت نے شب معراج کے موقع پر صوبے بھر کے تمام تعلیمی ادارے بند رکھنے کا اعلان کر دیا۔حکومت کیجانب سے جاری نوٹیفکیشن میں کہا گیا ہے کہ تمام سرکاری اور نجی تعلیمی ادارے اٹھائیس جنوری (منگل) کو شب معراج کیوجہ سے بند رہینگے.شب معراج ستائیس رجب کو مذہبی جوش و جذبے اور عقیدت کیساتھ منایا جاتا ہے، اس شب حضرت محمد ﷺ کو معراج کا شرف عطا کیا گیا، آپﷺ حضرت جبرائیل علیہ السلام کے ہمراہ براق پر سوار ہوکر مکہ مکرمہ سے مسجد اقصیٰ گئے۔پھر آپ ﷺ کو آسمانوں میں لے جایا گیا، جہاں اللہ رب العزت نے اپنے حضرت محمد مصطفیٰ صلی اللہ علیہ وآلہ وسلم کو معراج کا شرف عطا کیا۔ ہر سال فرزندان اسلام مذہبی جوش و جذبے اور عقیدت کے ساتھ شب معراج مناتے ہیں، مساجد میں خصوصی اجتماعات اور درود و سلام کی محافل کا انعقاد کیا جاتا ہے۔
