پاکستان کیلئےتیل و گیس کے شعبے سے اچھی خبر
او جی ڈی سی ایل نے حیدرآباد سے تیل و گیس کی پیداوار کا آغاز کردیا۔ایس آئی ایف سی کا پاکستان کے توانائی کے شعبے کی ترقی میں اہم کردار ادا کیا، او جی ڈی سی ایل نے سندھ کے ضلع حیدرآباد میں واقع تیل کے کنویں کو فعال کرکے توانائی کے شعبے میں نیا سنگ میل طے کیا۔رپورٹ کے مطابق کمپنی نے ویل ہیڈ فلوئنگ پریشر بارہ سو پی ایس آئی کے ساتھ کنار ویسٹ ویل-تھری کی کامیاب پیداوار کا آغاز کیا، اس کنویں سے روزانہ 3.5 ملین مکعب فٹ گیس، تیس بیرل کنڈینسیٹ اور 3.8 میٹرک ٹن ایل پی جی کا حصول ہوگا۔
رپورٹ میں بتایا گیا ہے کہ یہ کامیابی پاکستان کے توانائی کے منظرنامے کو بہتر بنانے اور ہائیڈرو کاربنز کی فراہمی کو مزید مستحکم کرنیکی عکاسی کرتی ہے۔او جی ڈی سی ایل نے پاکستان کے چالیس فی صد ایریا میں تلاش اور پیداوار کا وسیع نیٹ ورک قائم کیا ہے، کنار ویسٹ ویل-تھری کی گیس کا سوئی سدرن گیس کمپنی کے نیٹ ورک میں کامیابی سے انضمام ہوگیا ہے۔ایس آئی ایف سی کی حکمت عملی سے پاکستان میں توانائی اور دیگر شعبوں میں کمپنیوں کی کامیابی اور معاشی استحکام کے نئے دروازے کھل رہے ہیں۔
