پاسپورٹ کے حوالے سے وزیر داخلہ کا بڑااعلان
وزیر داخلہ محسن نقوی نے پاسپورٹ آفس عوامی مرکز اور نادرا سینٹر ڈیفنس کا دورہ کیا اور وہاں آئے شھریوں سے ملاقات کی۔تفصیلات کے مطابق کراچی میں پاسپورٹ آفس عوامی مرکز اور نادرا سنٹر ڈیفنس کے حالات بدل گئے، گھنٹوں انتظار ختم، منٹوں میں کام ہوگا، پاسپورٹ اور شناختی کارڈز ودیگر دستاویزات بنوانے کے لیے آئے شہری اس عمل سے خوش دکھائی دینے لگے۔اس حوالے سے وفاقی وزیر داخلہ نے پاسپورٹ آفس عوامی مرکز اور نادرا سنٹر ڈیفنس کے اچانک دورے کیے اور پاسپورٹ و شناختی کارڈز بنوانے کے لئے آئے شہریوں سے ملاقات کی،
محسن نقوی نے پاسپورٹ اور شناختی کارڈز بنوانے کے عمل کے بارے پوچھا۔شہریوں نے پاسپورٹ و شناختی کارڈز بنوانے کے نظام کو سراہا اور اطمینان کا اظہار کیا۔آفس میں آئے شہریوں نے وفاقی وزیر داخلہ محسن نقوی سے گفتگو کرتے ہوئے کہا کہ پاسپورٹ کی تجدید کیلیے آئے ہیں اور چند منٹ میں کام ہو بھی گیا ہے، پاسپورٹ بنوانے میں کوئی مشکل پیش آئی نہ ہی انتظار کرنا پڑا۔محسن نقوی شہریوں کو پاسپورٹ ملنے میں تاخیر کا ازالہ کیا جا رہا ہے، شہریوں کو اب مقررہ مدت کے اندر پاسپورٹ ملیںگے، محسن نقوی نے بعض شہریوں کے شناختی کارڈز کے ایشوز کو موقع پر ہی حل کرنے کیلئے احکامات دیئے۔
محسن نقوی نے پاسپورٹ و نادرا سنٹرز کے عملے سے بھی ملاقات کی اور انہیں شاباش دی، وزیر داخلہ نے نادرا سنٹر ڈیفنس میں صفائی کا نظام بہتر بنانے کا حکم دیتے ہوئے کہا کہ شہریوں کی سہولت کے لیے پاسپورٹ آفس اور نادرا سنٹرز کے دورے کر رہا ہوں، کراچی میں شہریوں نے پاسپورٹ اور نادرا سنٹرز میں نظام کو سراہا جو اطمینان کی بات ہے۔
