پی ٹی اے نے ملک بھر میں 58 لاکھ سے زائد غیر فعال سموں کو بلاک کردیا
پی ٹی اے نے ملک بھر میں اٹھاون لاکھ سے زیادہ غیر فعال سموں کو بلاک کردیا۔پی ٹی اے کیجانب سے جاری بیان میں کہا گیا ہے کہ مالی سال 2023-24 کے دوران غیر قانونی سموں کیخلاف کریک ڈاؤن کیا گیا، اس دوران ملک بھر میں اٹھاون لاکھ سے زیادہ غیر فعال سموں کو بلاک کردیا گیا ہے۔
پی ٹی اے کا کہنا ہے کہ غیر قانونی سموں کیخلاف ملک کے مختلف شہروں میں چالیس چھاپے مارے گئے۔ یہ چھاپے قصور، کھاریاں، لاہور، سیالکوٹ، پشاور کشمور،،پنوعاقل، سکھر ،شیخوپورہ، شرقپور شریف،ملتان، راولپنڈی، ساہیوال،حسن ابدال میں مارے گئے۔پی ٹی اے کے مطابق ان چھاپوں میں 7ہزار 500 سمز اور 1سو52 بائیو میٹرک ویری فکیشن سسٹم ڈیوائسز قبضے میں لی گئیں۔پی ٹی اے نے کارروائیوں کے دوران (47) مشتبہ افراد کو گرفتار بھی کیا۔پی ٹی اے کا کہنا ہے کہ دھشتگردی میں استعمال ہونیکے خدشے کے پیش نظر غیر فعال سمیں بلاک کی گئیں۔
