وزیراعلیٰ بلوچستان کا بچی کی وائرل وڈیو پر نوٹس، اوچ میں اسکول کے قیام کی منظوری
وزیراعلیٰ بلوچستان نے بچی کی وائرل وڈیو پر نوٹس لیتے ہوئے اوچ میں اسکول کے قیام کی منظوری دے دی۔
بلوچستان کے پسماندہ علاقے اوچ سے میر زادی نامی بچی نے اپنے وڈیو پیغام کے ذریعے وزیراعلیٰ بلوچستان میر سرفراز بگٹی سے علاقے میں اسکول بنانے کا مطالبہ کیا تھا، سوشل میڈیا پر بچی کی وڈیو وائرل ہوئی تھی۔
دوسری جانب وزیراعلیٰ بلوچستان سرفراز بگٹی نے سوشل میڈیا پر وائرل وڈیو کا نوٹس لیتے ہوئے پسماندہ علاقے اوچ کی بچی کے مطالبے پر وہاں گرلز اسکول کے قیام کی منظوری دے دی ہے۔
ترجمان بلوچستان حکومت شاہد رند کے مطابق محکمہ تعلیم نے درس و تدریس کے سلسلے کے آغاز کے لیے کارروائی شروع کردی ہے۔
