سکیورٹی فورسز کی بنوں اور خیبر میں کارروائی، 8خوارج ہلاک
کے پی کے مختلف علاقوں میں (29) نومبر سے یکم دسمبر تک کی گئی2 علیحدہ کارروائیوں میں سکیورٹی فورسز نے آٹھ خوارج کو ہلاک کر دیا جب کہ کیپٹن سمیت 2 فوجی جوان شہید ہوگئے۔آئی ایس پی آر کے مطابق پہلی انٹیلیجنس بنیاد پر کارروائی بنوں کے علاقے بکا خیل میں کی گئی جہاں خوارج کی موجودگی کی اطلاع پر سیکیورٹی فورسز نے خوارج کے ٹھکانے کو نشانہ بنایا۔کارروائی کے دوران پانچ خوارج ہلاک اور نو زخمی ہوئے تاہم اس دوران ضلع جھنگ سے تعلق رکھنے والے (29) سالہ سپاہی افتخار حسین نے بہادری سے لڑتے ہوئے جام شہادت نوش کیا۔
دوسری کارروائی ضلع خیبر کے علاقے شاگئی میں کی گئی جہاں 3 خوارج کو ہلاک جب کہ 2 کو گرفتار کیا گیا۔اس کارروائی میں شدید فائرنگ کے تبادلے کے دوران لاہور سے تعلق رکھنے والے پچیس سالہ کیپٹن محمد زوہیب الدین نے اپنی ٹیم کی قیادت کرتے ہوئے بہادری سے لڑتے ہوئے جام شہادت نوش کیا۔
یہ خوارج متعدد دھشتگرد کارروائیوں میں ملوث تھے، خوارج نے سکیورٹی فورسز اور معصوم شہریوں کو نشانہ بنایا۔آئی ایس پی آر کے مطابق علاقے میں کسی بھی باقی ماندہ خوارج کو ختم کرنے کیلئے کلیئرنس آپریشن جاری ہے۔ پاکستان کی سکیورٹی فورسز ملک سے دھشتگردی کے خاتمے کیلئے پرعزم ہیں، ہمارے بہادر سپاہیوں کی قربانیاں اس عزم کو مزید مضبوط کرتی ہیں۔
فوجی جوانوں کی معلومات
کیپٹن محمد زوہیب شہید کا تعلق لاھور سے ہے جنھوں نے تین سال سے زائد عرصے تک پاک فوج میں دفاع وطن کے فرائض سرانجام دیے۔کیپٹن محمد زوہیب شہید نے سوگواران میں والدین چھوڑے ہیں۔سپاہی افتخار حسین شہید کا تعلق ضلع جھنگ سے ہے۔ (29) سالہ سپانی نے آٹھ سال تک پاک فوج میں دفاع وطن کی خدمات سرانجام دیں۔سپاہی افتخار حسین شھید نے سوگواران میں اہلی، بیٹا اور بیٹی چھوڑے ہیں۔
