محکمہ موسمیات کی برفباری کے حوالے سے نئی پیش گوئی
ملک کے بعض مقامات پر بارش اور پہاڑوں پر برفباری جب کہ کئی شہروں میں موسم خشک اور سرد رہنیکی پیش گوئی کی گئی ہے جب کہ محکمہ موسمیات کا کہنا ہے کہ کراچی میں دن کے اوقات میں موسم بدستور گرم رہیگا.
تفصیلات کے مطابق محکمہ موسمیات کا کہنا ہےکہ آئندہ چوبیس گھنٹوں کے دوران شمالی بلوچستان، بالائی کے پی، گلگت بلتستان، کشمیر اور خطہ پوٹھو ہار میں تیز ہوائوں اور گرج چمک کیساتھ بارش اور پہاڑوں پر برفباری کا امکان ہے۔اسلام آباد میں موسم سرد اور مطلع جزوی ابر آلود رہیگا جب کہ پنجاب کے بیشتر اضلاع میں موسم سرد اور خشک رہنیکا امکان ہے۔
مری، گلیات میں رات کے اوقات میں ہلکی بارش ہو سکتی ہے،کے پی میں موسم سرد اور مطلع جزوی ابر آلود رہیگا جب کہ سندھ اور بلوچستان کے بیشتراضلاع میں موسم خشک رہنیکا امکان ہے۔پنجاب کے چند میدانی علاقوں اور بالائی سندھ میں اسموگ اور دھند چھائے رہنے کی توقع ہے۔پاکستان کے مختلف علاقوں میں بارش نے موسم سرما کی آمد کا اعلان کردیا، بالائی علاقوں میں برفباری سے وادیوں کا حسن مزید نکھرگیا جب کہ یخ بستا ہواؤں نے ڈیرے جمانا شروع کردیئے۔
بلوچستان میں زیارت، ژوب، پشین، شیرانی، بارکھان،موسیٰ خیل اور خضدار میں بارش ہوئی، بلوچستان سے آنیوالی ٹھنڈی ہواؤں نے سندھ کا موسم بھی تبدیل کردیا جب کہ قمرشہداد کوٹ جیکب آبا دمیں بارش سےعوام کے چہرے کھل اٹھے۔
مزید برفباری کا امکان
آج شمالی بلوچستان، بالائی کے پی، گلگت بلتستان، کشمیر اور خطہ پوٹھو ہار میں گرج چمک کیساتھ بارش اور پہاڑوں پر مزید برفباری کا امکان ہے۔محکمہ موسمیات کے مطابق پنجاب کے چند میدانی علاقوں اور بالائی سندھ میں صبح کے اوقات میں اسموگ اور دُھند چھائے رہیگی.
